EKHON | UKHRUL: Tangkhul Naga Long Election Commissioner Office wui eina samkaphang pao athishurda, Tangkhul Naga Aze Longphang wui General Election rakhara tarik 9 October, 2024 li sara chihaira.
Zingkum 4 term peihaokada Southern Tangkhul Naga Aze Longphang wui Chairman, Vice Chairman, Speaker, Dy. Speaker otpam wui Election hi mapung phalak kala chingri eina kapang khui khavai wuivang TNL Election Commissioner Pamreishang Hungyo na saklak eina ngahothaira.
Election Commissionerna hanga, “Naga wui ongoing peace talk kala Manipur wui situation zakashi juncture hili malung kaping yaruili thankashap kala Vare li kathei leader darkar salak haowa.”
Tangkhul Aze Longphang lungli 93 Recognised Villages leiya, arui arui District 6 li khaung ngatateida pamdalei, Tangkhul naona panda khalei District bing chiya; Ukhrul, Kamjong, Chandel, Kangpokpi, Thoubal kala Senapati na. Hiwui ngachaili Kangpokpi district li 40-45 Tangkhul khaung pandalei.
