By Phokrizat Mayirnao
Zingrotna Kakhaninga Iram…..
- Iramwui achonngarāli ningshātkalāk kahaiya iramwui sāri ngavaida mathāsek, tharzā eina zatkhui ngasakngai kachangkho.
2. Iramwui katamnao binglila leivāt, lungzi lungkai li ningasharthui kahai maleila ngavengkong eina zatkhui ngasakngai kachang. Leivāt na katamnaowui ning sheithui haida kuikhamareili khalei mangashān kharar chila masangasak ngailui. Mikumo ning masaitai kazat khangachā sangasak dalei haola ithumwui shongfana? Thākha zingrot kala leivātna ithum yurwui ning singda khaleina chipaihaoki kachila! Ningaimānā ralikho.
3. Worshim vālaga leipā ungsākhamathāli chishot kahai atam ngasāmkhuitha ngasakngai, katamnao kasā machotmeila honthei! Tuition khavā ngateisei, school khavā ngateisei, ava avāli ot sakhangachon! Mangasām kachang!
4. Washing machine khaleibingshi, mei horzakta leisākha, spin-dry sāura. Makhaleibingshi meiphungli mei sālaga ungpahang! Akhama schoolli uniform machu kala anganam ngateingarok kachanghaokho. Ningteongasak haipai naoshinaobingli.
5. Zatre kahaibing, ‘fapai hokpai naire kahaibing’ lila kajuiya, khamayinga kazingram māngli maphaningthui ngasakngai, pheinai chilila yangsangmi ngasakngai. Muiyāli kapān maningkachang, iramnao.
Pailak saklakli. Makhaningala thā kha khamataiyala ngasā.
(Phokrizat Mayirnao is an Independent Researcher. She can be reached at phokrizat@gmail.com)
Kum kajida, matailak eina katamnaobingli hithada leivatli thanzatching lala oja kala ava-avā bingna khikha makahang hiya masapai marali….. Govt. Kala authority bing hiya athumwui maimang phakazat Maya, da kahang hili mangui marada khui… next year hithaluishitra chihai akha school authority kala ava-avabing makhamachuk masapai marali. Naoshinao bingli hithada treat masapampai mara ithum.